Falece un motorista tras chocar contra unha furgoneta en Mesía

Un motorista perdeu a vida tras chocar contra unha furgoneta no municipio coruñés de Mesía. Segundo informou o 112, foi o persoal do Servizo de Urxencias Sanitarias Galicia-061 o que deu a voz de alerta ás 20.45 horas do sábado e explicou que o sinistro se produciu na estrada que conecta Visantoña coas Travesas.

Os xestores de emerxencias mobilizaron aos Bombeiros de Ordes, do GES de Curtis e á Garda Civil de Tráfico. Ademais, os servizos sanitarios mobilizaron o helicóptero medicalizado con base en Santiago. Con todo, a pesar dos esforzos o persoal sanitario nada puido facer por salvarlle a vida.

Ambulancias do 061 | Fonte: XUNTA - Arquivo