Diego Calvo recibe á consulesa xeral de Francia en Bilbao

O conselleiro de Presidencia, Xustiza e Deportes da Xunta, Diego Calvo, mantivo este martes unha reunión coa consulesa xeral de Francia en Bilbao, Marianne Carré, na rolda de visitas que realiza esta última por distintas comunidades autónomas ás que presta servizo o seu consulado. Segundo informa o Goberno galego, neste encontro analizáronse as relacións bilaterais entre Galicia e Francia, así como a situación dos cidadáns deste país en Galicia, que son ao redor de 1.600. Ademais, Calvo e Carré trataron a próxima visita do embaixador francés en España, Jean-Michel Casa, e as eleccións europeas do 9 de xuño, entre outros asuntos.

O conselleiro de Presidencia, Xustiza e Deportes, Diego Calvo, reúnese coa cónsul xeral de Francia en Bilbao, Marianne Carré | Fonte: XUNTA