Aparece o cadáver dun home nunha zona onde ían celebrarse festas en Fene
Apareceu no leito dun río.
Por Europa Press / Redacción | Fene | 17/05/2024 | Actualizada ás 13:07
O cadáver dun home foi rescatado a media mañá deste venres no leito dun río situado na parroquia de Perlío, en Fene. Segundo trasladaron profesionais do servizo de emerxencias a Europa Press o, corpo sen vida deste home atopábase nunha zona moi estreita, polo que tiveron que meterse uns quince metros ata que lograron sacalo.
A súa morte xa foi notificada polos profesionais de Urxencias Sanitarias de Galicia-061, que se trasladaron cunha ambulancia. No lugar tamén se personaron axentes da Policía Local de Fene e Garda Civil, que se encarga de investigar o motivo deste falecemento.
Na zona onde se localizou este corpo inícianse este venres unhas festas, estando xa colocadas na zona un bo número de barracas e atraccións de feira.
