Paro de 24 horas en Navantia Fene polo convenio colectivo
Durará ata a madrugada do venres como medida de presión.
Por Europa Press / Redacción | Santiago de Compostela | 04/07/2024 | Actualizada ás 17:03
O persoal de Navantia Fene mantén ao longo deste xoves un paro que durará ata a madrugada do venres como medida de presión polo convenio colectivo que se está negociando.
Os accesos ao estaleiro de Perlío, dedicado desde hai un tempo a reparacións e eólica mariña fundamentalmente, están cortados, con piquetes informativos. Só entraron na factoría os servizos de emerxencias. A protesta non finalizará ata as 6.00 horas da mañá.
As últimas xornadas de negociación do convenio en Madrid non foron todo o frutíferas que se esperaba tras os avances que se deu a semana anterior, polo que vai ser moi difícil que se chegue a un acordo antes de que comece o período de vacacións nas factorías, o vindeiro venres.
