Estes son os medios galegos para loitar contra os incendios este verán: 4.000 efectivos, 8 aeronaves e máis de 30 drons

O delegado do Goberno en Galicia, Pedro Blanco, ofreceu a "máxima colaboración" á Xunta na loita contra o lume durante a campaña de alto risco deste verán. Para iso, disporá de 4.000 efectivos, oito aeronaves e máis dunha trintena de drons. Así o expuxo durante a súa visita este venres ás instalacións do aeródromo militar de Santiago, que serve como base para os hidroavións do Ministerio para a Transición Ecolóxica coñecidos como Foca, que descarga 6.000 litros de augas en dous segundos en zonas de incendios.

"A Xunta de Galicia, que é competente nesta materia, vainos a ter ao seu lado para loitar contra esta secuela que son os incendios forestais", afirmou o delegado. Así mesmo, informa de que, do mesmo xeito que os medios destinados en Galicia poden prestar servizo noutros territorios, o Goberno galego poderá contar con efectivos necesarios, mesmo doutras zonas, en caso de precisalo. O Ministerio para a Transición Ecolóxica inviste 350 millóns na renovación da súa frota de aeronaves, composta por un total de 14 avións Foca.

O delegado do Goberno, Pedro Blanco, visita o aeródromo militar de Santiago | Fonte: DELEGACIÓN DO GOBERNO