Extinguido outro lume en San Cristovo de Cea preto do lugar onde xa ardeu a pasada semana
Queimaronse 31 hectáreas.
Por Europa Press / Redacción | SANTIAGO DE COMPOSTELA | 31/08/2024 | Actualizada ás 10:59
A Consellería do Medio Rural deu por extinguido o incendio forestal de San Cristovo de Cea tras calcinar unha superficie de 31 hectáreas.
O lume comezou este martes sobre as 17.21 horas na parroquia de Oseira e quedou extinguido ás 21.31 horas deste venres. Tratouse dunha reprodución do incendio rexistrado a pasada semana na mesma localización.
Nos labores de extinción participaron cinco técnicos, 23 axentes, 30 brigadas, 31 motobombas, dúas pas, oito avións e sete helicópteros.
Ademais, entre as brigadas mobilizadas participaron dous equipos de bombeiros de Estonia, que finalizan este sábado a súa estancia en Galicia no marco do mecanismo europeo de protección civil e que xa interviñeron noutros incendios rexistrados estes días en Galicia.
