Así son a Galiza de Nós e a Galicia de En Marea
Analizamos e comparamos as claves das propostas electorais das dúas plataformas políticas galegas de cara ó 20D.
Por Alberto Quian | Manchester | 18/12/2015 | Actualizada ás 08:00
Nós Candidatura Galega e En Marea son o froito do fracaso das negociacións para artellar unha gran candidatura galeguista e de esquerdas para as eleccións xerais do 20 de decembro. Pero xa non hai tempo para máis reproches e críticas. Para construír hai que propoñer. Por iso, GC analiza as claves das propostas electorais das dúas plataformas políticas que queren concentrar o voto progresista en Galicia. Para iso, fixemos unha análise do contido dos programas electorais de ambas as dúas forzas.
O que mostramos a continuación son os resultados obtidos tras someter ao escrutinio da lingüística computacional as principais propostas que recollen Nós e En Marea nas súas páxinas web, e que resumen os seus programas electorais. O obxectivo: mostrar dunha soa ollada cales son as claves dos seus proxectos políticos. Só son datos, nada máis. A interpretación e valoración política destes xa é cousa dos electores.
Na seguinte táboa comparamos os datos principais obtidos da análise dos textos de Nós e de En Marea:
|
Variables |
Nós Candidatura Galega
|
En Marea
|
|
Palabras |
2.785 |
1.408 |
|
Variedade léxica |
57,02% |
57,81% |
|
Sentimento do texto |
Positivo |
Positivo |
|
Grao de sentimento positivo |
28,12% |
53,9% |
|
Frases positivas |
65 |
52 |
|
Frases neutrais |
38 |
5 |
|
Frases negativas |
28 |
14 |
|
Palabra clave |
Galiza |
Galicia |
|
Substantivo común máis usado |
Política |
Dereito |
|
Adxectivo más usado |
Galego |
Novo |
|
Entidade máis relevante |
Galiza |
Galicia |
|
Multipalabra máis relevante |
Últimos anos |
Servizos públicos |
Nas seguintes nubes de palabras amosamos os conceptos claves dos discursos de Nós e de En Marea. A relevancia de cada palabra ou conxunto de palabras indícase polo seu tamaño.
Palabras clave
A continuación amosamos cales son as palabras clave das propostas das dúas plataformas políticas. Con elas podemos facer unha composición visual do discurso básico destas forzas.
Nós Candidatura Galega
En Marea
Palabras máis frecuentes
Nas seguintes nubes de palabras amosamos cales son as palabras máis repetidas nas propostas das dúas plataformas políticas. Isto axúdanos a ver que conceptos son sobre os que máis inciden e a variedade léxica.
Nós Candidatura Galega
En Marea
Multipalabras máis relevantes
As nubes que amosamos a continuación mostran as multipalabras máis importantes nos discursos destas forzas políticas. Así podemos extraer dos discursos destas forzas os termos e temas máis importantes que necesitan máis dunha palabra para expresarse.
Nós Candidatura Galega
En Marea
Entidades máis importantes
Por último, mostramos cales son as entidades máis importantes para as dúas plataformas, é dicir, as persoas, lugares, organismos, datas, cantidades, etc. máis relevantes nas propostas de Nós e de en Marea.
Nós Candidatura Galega
En Marea
Todos estes datos foron extraídos con Linguakit, un paquete de ferramentas lingüísticas e de extracción textual desenvolvido por Cilenis, spin-off da Universidade de Santiago de Compostela.
