Aparece un corpo sen vida flotando na auga en Cambados
Na zona da praia de O Facho, en Castrelo.
Por Europa Press / Redacción | SANTIAGO DE COMPOSTELA | 14/10/2024 | Actualizada ás 18:06
O corpo sen vida dunha muller apareceu este luns flotando na praia no municipio pontevedrés de Cambados. Segundo informou o 112, un particular deu a voz de alarma ao redor das 16.51 horas, ao detectar un corpo flotando no mar, na zona da praia de O Facho, en Castrelo. Na mesma chamada apuntaba que a muller podía ser rescatada desde a beira, sen que interviñesen medios acuáticos.
No dispositivo, en marcha, participan Urxencias Sanitarias de Galicia-061, Salvamento Marítimo, Garda Costas de Galicia, a Garda Civil, a Polícia Local e Protección Civil de Cambados. Unha vez no lugar, os servizos de emerxencias recuperaron o corpo da muller. Nestes momentos, as forzas da orde traballan para esclarecer os feitos.
