A Xunta anuncia investigacións pero non cambios ante as queixas pola atención a abortos na Coruña
O presidente galego négase a cambiar os protocolos de actuación neste tipo de casos, a pesar das críticas de usuarios e asociacións.
Por Xurxo Salgado | Compostela | 18/02/2016 | Actualizada ás 16:00
“Hai que investigar e ver se teñen xustificación”. Foi o que dixo o presidente da Xunta, Alberto Núñez Feijóo, ao ser preguntado este xoves no Consello da Xunta polas queixas realizadas na atención da mulleres que queren abortar na Coruña.
De feito, o presidente galego repetiu ata en tres ocasións a mesma frase, sen querer valorar nin criticar se algo non está funcionando no sistema sanitario público galego. Este mesmo xoves a Plataforma Galega polo Dereito ao Aborto convocou unha protesta ante o Complexo Hospitalario Universitario da Coruña (CHUAC) para denunciar problemas na atención a abortos. T
Tanto esta entidade, como os distintos grupos políticos da oposición ( PSdeG, mareas e BNG), piden que se tomen as medidas oportunas "para garantir unha atención integral e de calidade" ás mulleres que necesitan un aborto no segundo trimestre do seu embarazo.
Sen embargo, e a pesar de ser preguntado se cre que é necesario modificar os protocolos, Feijóo suliñou que o que toca agora é investigar. “As pacientes están no seu dereito a denunciar e o Sergas a investigalo”, dixo ao tempo que quixo saír en defensa da súa planificación sanitaria. “Todos os pacientes teñen excelentes profesionais a súa disposición”, repetiu.
