Detido un asesor de AGE no Parlamento por un presunto delito de pornografía infantil

O presidente da Cámara autorizou o rexistro da sede desta formación, no que se incautou material informático. Fontes policiais din que se trata dunha investigación que afecta "á esfera privada" do acusado. AGE suspende cautelarmente a súa relación laboral con este traballador.

Por Galicia Confidencial | Santiago | 12/04/2016 | Actualizada ás 14:08

Comparte esta noticia

Membros da Policía Nacional rexistraron esta mañá a sede no Parlamento galego do grupo Alternativa Galega de Esquerda (AGE) nunha operación no marco dunha investigación sobre pornografía infantil que afecta a un asesor de AGE vinculado a Esquerda Unida.

Axentes da Policía Nacional dedicados á loita contra a pornografía infantil en Internet.
Axentes da Policía Nacional dedicados á loita contra a pornografía infantil en Internet.

Segundo adiantou La Voz, o presidente da Cámara, Miguel Santalices, autorizou o acceso dos axentes da Policía a estas instalacións "no marco dunha investigación que afecta á esfera privada" dun traballador.

O xornal coruñés apunta que a persoa investigada sería R.S. e non é nin deputado nin funcionario da Cámara autonómica, senón un asesor do grupo parlamentario de AGE.

Fontes da investigación consultada por La Voz apuntan a que o investigado foi detido este luns e que se procedeu ó rexistro hoxe, no seu lugar de traballo, tras detectarse, presuntamente, descargas de material de pornografía infantil desde a IP do Parlamento de Galicia. Segundo outras fontes, a Policía incautou un ordenador e diverso material. Fontes consultads por Europa Press salientan en que se trata dunha "cuestión allea" á institución.

A nova, que xa se está viralizando nas redes sociais, caeu como un xarro de auga fría en AGE, que decidiu non ofrecer ningunha declaración nun primeiro momento mentres non dispoñan de máis información sobre este caso. En todo caso, o grupo parlamentario xa decidiu "a suspensión cautelar da relación laboral" co detido, tras a reunión que o líder desta formación, Xosé Manuel Beiras, mantivo inmediantamente unha reunión co presidente do Parlamento, tras a cal comunicou que convocaría á prensa para dar explicacións sobre o caso.

Beiras deu a cara posteriormente ante os medios. Segundo confirmou o voceiro do grupo, investígase un “delito tecnolóxico relacionado coa pornografía e os menores”. Beiras dixo aos medios que foi o propio detido quen pediu á policía que rexistrara o seu despacho. Unha petición que foi autorizada por Miguel Santalices, o presidente da Cámara. O voceiro tamén indicou que o presunto delito   corresponde ao ámbito privado do detido. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 34 comentarios

20 O privado é político

Esfera privada? Otra vez con esa porquería? Mi apoyo a las dos personas que lo denunciaron en su momento. Valientes ante tanta perversión

19 FeministaDoFerrol

Xa está ben de dicir que isto é un asunto persoal e non político. A pedofilia e a distribución de material pornográfico é un delito grave, con víctimas-nenos que son obrigadas a posar sometidas sexualmente. É unha vergoña que a esquerda siga a ter ese discurso tan rancio de que o persoal nada ten que ver co político e mentres iso siga así nada cambiará. A próxima vez que EU faga unha crítica contra a pederastia na igrexa, por exemplo, esta debíalle responder que se trata dun asunto persoal e non eclesiástico. A ver que dicían ante tal aberración!! Pois isto é exactamente igual. Calquer tipo de abuso ou maltrato é un asunto político e hai que tomalo como tal. Mentres isto non suceda, a esquerda non será digna de chamarse esquerda. Débense depurar responsabilidades políticas respecto a este asunto e pedir desculpas públicas canto antes e Yolanda Díaz debería dimitir se é coherente cos principios do partido.

18 Comunista

Hai que ser moi miserábeis e estar moi desesperados para aproveitar un presunto caso de pornografía infantil coma este para atacar AGE e Mareas como están a facer os trolls do BnG e a dirección de CxG. Realmente patético.

1 Comunista de verdade

E dos teus socioso de Anova non dis nada? Eu concordo con eles. Por certo, hai que ser moi, pero que moi miserábeis para expulsar aos militantes que denunciarion o caso de pederastia en Izquierda Unida pero hai que ser moito máis miserables paa premiar cunha asesoria perpetua ao dirixente da organización epresunto pederasta. Menudo lixo noxento meteu Beiras no Parlamento galego.

2 Tostado

Beiras é o responsável de que este individuo fora contratado como asesor do seu grupo. Tanta indecencia non se pode aturar

3 comunista independentista

Si. É como se dende AGE tivesen empregado o caso do agresor sexual confeso de CxG para atacar o BnG lembrando que tivera cargos de responsabilidade en Galiza Nova. Pero iso non aconteceu.

17 Lorta

Pero Yoli no sabe nada. Echó del partido a dos militantes por denunciar algo parecido hace unos años en Ferrol y mirá ahora. Encubrir a pedófilos es directamente delictivo.

16 Edmundo Dantés

Yolanda Díaz de En Marea, algunha explicación terás que dar, non che parece? http://www.cousasdeimeneo.net/yolan...