Máis de cen profesionais dos CIM reciben formación sobre as actualizacións de VioGén 2
O novo modelo VioGén incorpora a "tecnoloxía máis avanzada na materia" e o Protocolo 2025, que aglutina e actualiza todas as novidades introducidas polas sucesivas instrucións ditadas pola secretaría de Estado de Seguridade desde o ano 2018
Por E.P. | SANTIAGO DE COMPOSTELA | 10/04/2025 | Actualizada ás 19:44
A unidade de Coordinación contra a Violencia sobre a Muller presentou na Coruña este xoves as novas funcionalidades do Sistema VioGén 2 para Galicia, Valencia e Cantabria, coa asistencia de 122 profesionais dos Centros de Información á Muller(CIM) de municipios galegos.
Segundo trasladou a Delegación do Goberno, a xefa deste departamento, María Debén, destacou este sistema como unha ferramenta "fundamental para auxiliar a todas as vítimas que sofren a violencia machista en todas as súas variantes".
O novo modelo VioGén incorpora a "tecnoloxía máis avanzada na materia" e o Protocolo 2025, que aglutina e actualiza todas as novidades introducidas polas sucesivas instrucións ditadas pola secretaría de Estado de Seguridade desde o ano 2018.
Desta forma, VioGén 2 engade importantes novidades entre as que a Delegación destaca: a mellora do algoritmo de valoración de riscos, a interoperabiliade das bases de datos, a capacidade de resposta durante o proceso de protección, a seguridade do sistema, as notificacións automatizadas, así como diversas medidas de ciberseguridade, coas que se protexen ás vítimas que sofren acoso mediante dispositivos electrónicos e redes sociais.
Estas melloras tamén se trasladan ao Protocolo 2025, no que, como novidade principal, destácase a desaparición do nivel de risco non apreciado, co que agora unicamente existen catro niveles: baixo, medio, alto e extremo.
Deste xeito, para os casos de maior risco, establécese un período máis prolongado cos que se garante unha protección "máis efectiva". Este conxunto de novidades permiten tratar "correctamente", destacou a Delegación, os casos de violencia de xénero de especial relevancia: con menores, agresores persistentes e vítimas vulnerables ou reticentes ás intervencións policiais.
"Esta plataforma consegue o que outras bases de datos non lograron. O Sistema VioGén engrasa e coordina ás unidades policiais do noso país", sinalou Carlos Marín, garda civil e traballador social que presentou unha parte da formación.
