Case 600 aspirantes a auxiliares de policía local inician o proceso selectivo para cubrir 95 prazas

Case 600 aspirantes a auxiliares de policía local iniciaron o proceso selectivo en Silleda para cubrir 95 prazas en 31 concellos galegos. Segundo trasladou a Xunta nun comunicado, o director xeral de Emerxencias e Interior, Santiago Villanueva, visitou o recinto feiral onde se celebrou este venres o primeiro do cinco exercicios, un test de coñecementos de 50 preguntas sobre o temario publicado.

A continuación desenvolveuse a proba de coñecemento galego para aquelas persoas non exentas por contar con certificado de Celga 3 ou equivalente. Unha vez superada a primeira fase, os aspirantes enfrontaranse o próximo 12 de maio coas probas de aptitude física, nas que demostrarán as súas capacidades de forza, resistencia, axilidade, flexibilidade e velocidade. Nesta liña, haberá dúas probas, unha de potencia tren inferior con salto vertical e outra de resistencia xeral con carreira de 1.000 metros lisos, que se celebrarán nas instalacións da Academia Galega de Seguridade Pública (Agasp).

O director xeral de Emerxencias e Interior, Santiago Villanueva, visitando o recinto feiral de Silleda | Fonte: XUNTA DE GALICIA