Dificultades para atopar voceiro municipal do PSdeG en Lousame
Dúas renuncias consecutivas obrigan a tirar da lista nas municipais
Por Europa Press / Redacción | SANTIAGO DE COMPOSTELA | 12/05/2025 | Actualizada ás 13:50
O pleno de Lousame tomou coñecemento da renuncia á súa acta da concelleira socialista Ana María Domínguez Laíño, informa o consistorio sobre a candidata do PSdeG-PSOE á Alcaldía.
A renuncia foi formalizada o pasado 1 de maio. O alcalde en funcións, Esteban Ares García, aproveitou para agradecerlle á concelleira "o traballo realizado ao longo destes meses e desexarlle a mellor das sortes na súa vida persoal e profesional".
O pleno tomou tamén coñecemento da renuncia anticipada de Ana Vanesa Martínez Figueroa a asumir a acta que deixa libre Domínguez Laíño polo que o concello enviará unha comunicación á Xunta Electoral Central. Será, engade o consistorio sobre o proceso a seguir, para que se traslade a petición á seguinte persoa na lista, Begoña Maroñas Maroñas.
