Detido tras roubar dúas veces na mesma farmacia

Axentes da Policía Nacional detiveron a un home ao que acusan de roubar en dúas ocasións nunha farmacia de Ourense durante os meses de marzo e abril. Nunha nota de prensa, a Policía detallou que o presunto autor accedeu ao interior do establecemento do centro da cidade e, tras pedir diversos produtos ao dependente, nun descoido, furtou diferentes artigos expostos e marchou rapidamente do lugar.

Semanas despois, o mesmo home accedeu de novo á farmacia e, "sen mediar palabra", substraeu diversos produtos que se atopaban expostos e volveu fuxir. Tras levar a cabo a investigación dos feitos denunciados, os axentes da Unidade de Delincuencia Especializada e Violenta (UDEV) da Comisaría Provincial de Ourense lograron identificar, localizar e deter ao autor.

Unha vez realizadas todas as xestións e dilixencias para tratar de esclarecer os feitos, o detido foi posto a disposición xudicial.

Imaxe de recurso dun vehículo da Policía Nacional | Fonte: EMERXENCIAS 112