(Vídeo) Operación sardiña: un transportista supera por 227,5 quilos a cantidade que figuraba na súa documentación

O Servizo Marítimo Provincial (SMP) da Garda Civil da Coruña incautou 227,5 quilogramos de sardiñas na Coruña. Os feitos aconteceron cando os efectivos do SMP, que se atopaban realizando un servizo propio da especialidade, observaron un camión de transporte refrixerado co condutor no seu interior estacionado no bordo da estrada AC-552 no termo municipal de Baio.

Os gardas civís actuantes aproximáronse ao vehículo para coñecer o motivo da detención e comprobar a mercadoría que transportaba, resultando ser varios palets de caixas de sardiñas, polo que solicitaron ao condutor a documentación que amparase o seu transporte, amosándolles este os albaráns correspondentes.

Ante a sospeita de que o peso reflexado nos albaráns non correspondía co real da mercadoría, os gardas civís optaron por acompañar ao vehículo ata o destino manifestado, no Porto da Coruña, para verificar o peso na Lonxa desa instalación. Unha vez realizada a pesaxe, o total superaba en 227,5 quilogramos o declarado nos albaráns de transporte.

A Garda Civil procedeu á confección da correspondente acta-denuncia por suposta infracción á Lei 11/2008 de pesca de Galicia e á incautación dos 227,5 quilos de exceso. As sardiñas decomisadas foron depositadas na Lonxa da Coruña para a súa recollida polo Banco de Alimentos Rías Altas.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)