Aviso amarelo por temporal costeiro este domingo nas Rías Baixas
Meteogalicia prevé vento do norte de forza sete entre Louro e cabo Silleiro en mar aberto a partir das 15:00 horas.
Por Europa Press / Redacción | Santiago de Compostela | 31/05/2025 | Actualizada ás 12:42
As Rías Baixas activan este domingo o aviso amarelo por temporal costeiro, por vento forte do norte entre Louro e cabo Silleiro en mar aberto. Segundo Meteogalicia, o aviso comezará ás 15.00 horas da xornada dominical e finalizará a medianoite, ao esperarse vento norte de forza sete en mar aberto.
Así, durante esa xornada iranse retirando as altas presións cara ao leste da Península Ibérica. Por iso, haberá máis nubes na metade norte, con algunha choiva débil na Mariña, e os ceos máis abertos no resto de Galicia. As temperaturas terán un lixeiro moderado descenso, especialmente as máximas, e o vento será do norte-nordés moderados, con refachos fortes na franxa atlántica pola tarde.
