Uso do Galego no Foro E. Peinador

O Foro E. Peinador  reuniuse coas escolas de negocios de Caixanova, Grupo Academia Postal e Instituto Tecnolóxico Empresarial de Caixa Galicia.

No encontro cos directores destes centros académicos abordouse o deseño  dun plan para introducir a lingua galega nos programas curriculares dos distintos cursos  ofertados a profesionais do ámbito da empresa.

Os directivos  da Escola de Negocios de Caixanova, do Grupo Academia Postal e Instituto Tecnolóxico Empresarial de Caixa Galicia  mostraron a súa disponibilidade para introducir nos cursos que programan os respectivos centros, información e documentación que contribúan a formar ao alumnado nas posibilidades da lingua galega  na aplicación das estratexias comerciais, nas relacións cos usuarios e consumidores, publicidade e relacións laborais.

Para poñer en marcha este plan, tódolos tres centros acordan crear unha comisión encargada de redatar un programa de obxectivos, e a elaboración dunha bibliografía básica para a divulgación e coñecementos dos fundamentos sociolingüísticos e dereito que regula o uso das linguas cooficiais no ámbito privado.  Asemade, amosaron o seu interese na sinatura dun convenio coa Secretaría Xeral de Política Lingüística para  materializar tales proxectos normalizadores.

Participaron no encontro: Marisol López Martínez, Secretaría Xeral de Política Lingüística; Carlos Varela García, Fiscal Superior de Xustiza; Marcos Fernández Martínez, xerente do ITE Caixa Galicia; Eduardo García, director da Escola de Negocios de Caixanova; Francisco Novoa, directora da Escola de Negocios do Grupo Academia Postal; Xosé González Martínez e  Xosé Manuel Ortigueira.