Novo aviso amarelo na zona do Miño en Ourense por máis de 36 graos, con previsión de treboadas pola tarde

Meteogalicia activou un aviso amarelo para este xoves, 10 de xullo, nos municipios que atravesa o río Miño en Ourense por temperaturas superiores aos 36 graos.

Este aviso de temperaturas máximas estará activo entre as 15,00 e as 21,00 horas deste xoves. Meteogalicia prevé que pola tarde crezan nubes de evolución que poden derivar en chuvascos treboentos, máis probables no interior das provincias de Ourense e Lugo.

De feito, a máxima do 9 de xullo en Galicia foi para a cidade de Ourense, con 39,6 graos (16,40 horas), segundo a información de Meteogalicia.

Onda de calor en Ourense | Fonte: Rosa Veiga - Arquivo