A RAG difunde os documentos inéditos sobre o ingreso de Castelao na institución o 25 de xullo de 1934
Entre os materiais que se poden consultar na web que lle dedica ao rianxeiro unha nova "peza destacada" que presenta o presidente da RAG, Henrique Monteagudo, figura o mecanoscrito do discurso que pronunciou aquel día, 'As cruces de pedra na Galiza'.
Por Europa Press / Redacción | SANTIAGO DE COMPOSTELA | 24/07/2025 | Actualizada ás 12:56
A Real Academia Galega (RAG) difunde por primeira vez os documentos relacionados co ingreso de Alfonso Daniel Rodríguez Castelao na Real Academia o 25 de xullo de 1934. Entre os materiais que se poden consultar na web que lle dedica ao rianxeiro unha nova "peza destacada" que presenta o presidente da RAG, Henrique Monteagudo, figura o mecanoscrito do discurso que pronunciou aquel día, 'As cruces de pedra na Galiza'.
Ademais, móstrase a correspondencia na que Castelao expresa o seu desexo de que sexa Antón Vilar Ponte quen lle dea resposta á súa alocución ou o escrito no que Vicente Risco, Ramón Otero Pedrayo e Marcelo Macías propuxéronlle á corporación que o "insigne artista e escritor" ocupase unha das cadeiras vacantes.
