Extinguido o incendio de Cualedro tras arrasar case 100 hectáreas
Entre os efectivos tamén participaron os bombeiros de Países Baixos que realizan unha estancia formativa en Galicia enmarcada no mecanismo europeo de Protección Civil.
Por Europa Press / Redacción | Santiago de Compostela | 25/07/2025 | Actualizada ás 17:44
O incendio no municipio ourensán de Cualedro quedou extinguido este venres tras arrasar preto de 100 hectáreas desde o seu inicio na tarde do pasado mércores. Este lume, iniciado na parroquia de San Millao, chegou a saltar a terreo de Portugal. A súa extinción produciuse ás 15,45 horas deste 25 de xullo. O incendio afectou a unha superficie de 97,27 hectáreas en territorio galego. Case todo se corresponde con monte raso, con só 0,5 hectáreas de arboledo.
Para a extinción mobilizáronse: sete helicópteros, catro avións, 18 motobombas, 34 brigadas, 22 axentes, tres técnicos, tres pas e dúas unidades técnicas de apoio. Entre os efectivos tamén participaron os bombeiros de Países Baixos que realizan unha estancia formativa en Galicia enmarcada no mecanismo europeo de Protección Civil.
