Por Galicia Confidencial | Vigo | 27/06/2016 | Actualizada ás 16:00
Hai fisioterapeutas que son obrigados a traballar como falsos autónomos para poder cobrar. É a denuncia que fai o Sindicato de Enfermaría Satse que denuncia que estes profesionais teñen que pagar unha cota como autónomos cando "están a traballar para unha empresa".
Ademais, critican que as administracións "son coñecedoras destas situacións" e que as inspeccións "pasan por alto estes abusos ilegais". "Cando se observa que un profesional fisioterapeuta se vai dar de alta como autónomo, o probable é que sexa un autónomo obrigado, porque a empresa lle pide que así sexa, xa que a alternativa sería non traballar", apuntou a secretaria autonómica de Satse, Carmen García Rivas.
Por iso, este sindicato esixe ás administracións que "rematen con esta práctica", que está a "desprezar a actividade profesional destes sanitarios". "Os fisioterapeutas non poden verse abocados a traballar en situacións de ilegalidade, ou que a outra alternativa sexa a de non traballar", criticou García Rivas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.