Galicia sofre 351 mortes atribuíbles á calor neste verán
O período máis crítico foi do 5 ao 11 de agosto, con picos de ata 13 óbitos diarios, segundo o sistema MoMo.
Por Europa Press / Redacción | Santiago de Compostela | 19/08/2025 | Actualizada ás 13:36
As mortes atribuíbles á calor en Galicia alcanzaron, desde o principio da tempada de verán, os 351 decesos, segundo os datos do sistema MoMo, de monitorización da mortalidade diaria, do Instituto de Saúde Carlos III, que considera o 15 de maio como inicio do período estival.
Eses datos, estimacións elaboradas a partir da mortalidade notificada, observada, esperada e atribuíble á temperatura (neste caso por exceso), reflicten que, desde o 15 de maio, 351 persoas faleceron en Galicia por causas asociadas á calor, máis de 150 delas no mes de agosto.
Así, os días do 5 a 11 de agosto son os que recollen os 'picos' de mortalidade, con xornadas nas que se notificaron ata 12 e 13 óbitos. No mesmo período, desde o 15 do maio ao 18 de agosto, rexistráronse en toda España 2.635 mortes atribuíbles ás altas temperaturas.
