A Xunta autoriza a planta de fundición de chatarra de Aluminios Cortizo en Coirós

A Xunta deu Autorización Ambiental Integrada (AAI) á planta de pretratamiento e fundición de chatarra de aluminio que Cortizo quere instalar no seu centro do parque empresarial de Pedrapartida, en Coirós. A resolución, que foi emitida pola Dirección Xeral de Calidade Ambiental e Sostenibilidade, será publicada nos próximos días no Diario Oficial de Galicia (DOG).

Con isto, a Consellería de Medio Ambiente e Cambio Climático finaliza o procedemento de tramitación ambiental ao que foi sometida esta iniciativa. Agora, tras unha Declaración de Impacto Ambiental (DIA), que foi emitida en lle mes de xuño, e unha AAI favorable, o proxecto pode continuar a súa tramitación administrativa.

A Xunta lembrou nun comunicado que a DIA favorable está condicionada a que a empresa cumpra o recollido no estudo de impacto ambiental e no resto da documentación presentada polo promotor, así como os condicionantes e o progreama de vixilancia ambiental que se recollen na propia DIA.

Os organismos consultados, puntualizou a Xunta, consideraron que o proxecto "non terá impactos significativos" nos distintos ámbitos analizados e que "sería viable a súa posta en marcha sempre que se cumpran as condicións establecidas nos seus respectivos informes".

Así, eses aspectos están relacionados coa protección da atmosfera, poboación e saúde; augas e canles fluviais; chan e infraestruturas; xestión de residuos; patrimonio natural e integración paisaxística, entre outros.