Unha pirotecnia de Catoira almacenou ilegalmente case 600 quilos de explosivos
O Concello de Catoira precintará este mes o galpón dunha pirotecnia tras detectar uso e almacenamento de máis de 579 quilos de material explosivo a pesar de telo prohibido desde febreiro de 2024.
Por Europa Press / Redacción | PONTEVEDRA | 05/09/2025 | Actualizada ás 15:36
O Concello de Catoira precintará este mes o galpón dunha pirotecnia tras detectar uso e almacenamento de máis de 579 quilos de material explosivo a pesar de telo prohibido desde febreiro de 2024. Segundo informou o Concello, alcalde da localidade, Xoán Castaño, remitiu á Fiscalía un informe sobre posible desobediencia para iniciar as actuacións legais correspondentes.
A empresa, Pirogal, perdeu "todas as vías legais" para manter a instalación na parroquia de Dimo e a sentenza ordena a demolición do galpón. Desta forma, o precintado, que será o día 19 de setembro ás 10.00 horas, estará coordinado coa Garda Civil e permanecerá pechada ata resolver a legalización de obras e a execución de derriba.
