Falece un traballador ao caerlle encima unha peza de ferro en Santa Comba

Un traballador perdeu a vida este mércores ao caerlle encima unha peza de ferro no municipio coruñés de Santa Comba. Concretamente, en O Busto, na parroquia de Santa Sabiña. Segundo informou o 112, foi un particular o que deu aviso do ocorrido, ao redor das 13.20 horas. Indicaba que a un traballador caéralle un ferro encima, aínda que non se atopaba atrapado.

O 112 informou ao 061, que mobilizou ao helicóptero medicalizado con base en Santiago, á Garda Civil e á Policía Local. Os servizos de emerxencias tentaron reanimar á vítima, pero só puideron confirmar o seu falecemento.

Sala de operacións 112 Galicia. XUNTA