Interceptan un condutor de patinete nunha vía interurbana en Vilagarcía de Arousa
Os axentes que realizaban labores de vixilancia do tráfico observaron a un vehículo de mobilidade persoal cando circulaba por unha vía interurbana, nas que está prohibida a circulación deste tipo de vehículos
Por E.P. | SANTIAGO DE COMPOSTELA | 16/10/2025 | Actualizada ás 12:04
O Sector de Tráfico da Garda Civil de Galicia interceptou ao condutor dun patinete cando circulaba pola PO-548 ao seu paso polo municipio pontevedrés de Vilagarcía.
Segundo informou o Instituto Armado nun comunicado, os axentes que realizaban labores de vixilancia do tráfico observaron a un vehículo de mobilidade persoal cando circulaba por unha vía interurbana, nas que está prohibida a circulación deste tipo de vehículos.
O condutor do mesmo non usaba pezas reflectoras e o vehículo carecía de iluminación. Esta forma de circular constituía un grave risco tanto para o propio usuario do patiene como para o resto de condutores que transitaban pola vía.
A Garda Civil lembra que os vehículos de mobilidade persoal, como os patinetes eléctricos, teñen a consideración de vehículos para todos os efectos e por tanto, os seus condutores están obrigados a cumprir as normas e sinais de circulación establecidas na lexislación vixente.
Estes vehículos non poden circular por vías interurbanas, travesías, autoestradas nin autovías, e os seus usuarios deben adoptar as medidas necesarias de visibilidade e seguridade, especialmente durante as horas nocturnas ou en condicións de baixa luminosidade.
