O Grupo Nove destaca a acollida aos seus cociñeiros nunha visita a Oviedo para facer promoción da alta cociña galega

O Grupo Nove destacou este luns que a cidade de Oviedo se rendeu aos praceres gastronómicos de Galicia durante toda a xornada da man de tres dos seus cociñeiros: Yayo Daporta (Restaurante Yayo Daporta) Daniel Guzman (Restaurante Nova) e Javier R.Ponte (Taky).

Todos eles demostraron en vivo como é a cociña galega máis innovadora, no marco da campaña 'Achégate a Galicia, achégate a Nove', que se desenvolve en colaboración con Turismo de Galicia e co patrocinio de Estrela Galicia, Cafés Toscaf, Martín Códax, Cabreiroá, Burelarte e Artesanía de Galicia.

As exhibicións culinarias realizáronse nunha moderna unidade móbil dotada de cociña e zonas de degustación, multimedia e expositiva, que estivo estacionada durante toda a xornada de hoxe na céntrica Praza do Marqués, e que multitude de viandantes tamén puideron visitar de 11.30 a 14.30 horas e de 17.30 a 21.30 horas.

Os cociñeiros mostraron o seu dominio culinario nos tres 'showcookings' desenvolvidos durante a xornada deste luns nos que puxeron de manifesto a importancia dos produtos elixidos e as características das elaboraciones.