A patronal galega está en mans dos bancos
O recén dimitido presidente alerta que a CEG podería desaparecer pois non ten cartos nin para montar o ERE que prevé o plan de viabilidade. Diéter Moure acusa aos dirixentes provinciais de antepor intereses persoais.
- A patronal galega ve a luz ao final do tunel grazas a ABANCA
- A xunta de vicepresidentes faise cargo da CEG e abordará "de inmediato" a execución do plan de viabilidade
- O que foi rival de Moure nas eleccións da CEG non descarta volver presentarse pero ve "problemas máis urxentes"
Por E.P. | SANTIAGO DE COMPOSTELA | 16/10/2016 | Actualizada ás 20:07
Antonio Diéter Moure Areán, quen o pasado venres dimitiu como presidente da Confederación de Empresarios de Galicia (CEG), asegurou que a persoa que está á fronte da patronal galega "é un reo dos presidentes provinciais".
Nunha entrevista en RNE recollida por Europa Press, recoñeceu non estar "arrepentido" tras dimitir deste cargo, senón "todo o contrario". "Había certas tensións ou desencontros que non contribuían ao bo entendemento", indicou Diéter Moure.
A continuación, asegurou ter a sensación de que os intereses da CEG e os dos presidentes provinciais "van por diferentes rumbos". A este respecto, preguntado directamente por se son os presidentes provinciais os que manexan os fíos, subliñou que si.
Deseguido, explicou que, cando comezou o seu mandato á fronte da patronal galega, supuxo que "todos" empurrarían "polos intereses" da CEG, cousa que non foi así porque hai, defendeu, "outros intereses que priman". Refírese aos intereses persoais e provinciais, que ve "un lastre" para a patronal.
ANTONIO FONTELA
Cuestionado sobre o presidente da patronal coruñesa, Antonio Fontenla, precisou que este "nunca" lle dixo "expresamente" que lle retiraba o seu apoio, aínda que si recoñece que puido haber unha "perda de confianza". Non obstante, destacou que aquel "apoio desinteresado" por parte de Fontenla nun principio, "non o había".
Sobre o plan de viabilidade, fixo fincapé en que é "imposible" desenvolvelo e, para exemplificar isto, empregou unha metáfora. Así, explicou que se quixese construír unha casa lle pediría a un arquitecto que o fixese un proxecto e, a continuación, a unha empresa construtora que lle construíse a vivenda.
Neste sentido, indicou que, aínda que teñen ese proxecto --o plan de viabilidade-- , para desenvolvelo necesitan un diñeiro do que non dispoñen. É máis, asegurou que nin sequera teñen diñeiro para realizar unha redución de persoal e indemnizar os traballadores.
"NAS MANS DOS BANCOS"
De igual modo, considera que, aínda que a patronal está "enferma" e ten "uns graos de febre", non se atopa na mesma situación que cando el chegou ao cargo. Así mesmo, alertou de que a patronal podería desaparecer se as cousas non se fan con "criterio e sentido común", pois recoñeceu que, na actualidade, están "nas mans das entidades financeiras".
Na liña do plan de viabilidade, denunciou que os críticos simplemente se limitasen a dicir que non estaban de acordo con el en lugar de achegar cousas.
Sobre as próximas eleccións para elixir o seu sucesor, Diéter Moure recoñeceu que non lle gustaría que fose un presidente provincial debido a que hai "intereses contrapostos". Así, espera quela nova persoa estea moitos anos no cargo, pero advírtelle que será "reo" dos presidentes provinciais: "Que non lle quede dúbida ningunha".
