Un libro en galego para coñecer os peixes e outra fauna mariña

'Os peixes e outra fauna mariña', con 30 ilustracións de Tokio, é un libro editado pola Mesa pola Normalización Lingüística para aprender, identificar e provocar interese polo mundo dos peixes, crustáceos, moluscos e outra fauna mariña nas nenas e nenos.

Cuberta do libro 'Os peixes e outra fauna mariña', editado pola Mesa pola Normalización Lingüística.

O libro, de 36 páxinas, ten como obxectivos incrementar o uso do galego na educación infantil, proporcionar materiais en galego para cativos de 0 a 6 anos, potenciar o uso de vocabulario en galego e aprender o nome de peixes comúns.

O volume compleméntase cunha canción de Magín Blanco, “Peixiños do mar”.