Temas: COMISIóNS

Es quen de facer a proba das oposicións a auxiliar da Xunta?

As oposicións da Xunta de Galicia volven a ser foco de polémica por segunda vez nunha semana. Tras coñecerse que a Xustiza tombou parte da proba de delineante, agora Comisión Obreiras arremete contra o recente e polémico exame de informática para aspirantes a funcionarios do grupo C2, auxiliares administrativos.

Por M.V. | Santiago de Compostela | 27/01/2017 | Actualizada ás 13:08

Comparte esta noticia

Ningún dos 406 opositores foi quen de responder todas as preguntas. O sindicato denuncia que o 83% suspendeu, e iso que o tribunal baixou o baremo para aprobar. Para lograr o ansiado cinco só había que contestar ben 9 de 20 preguntas.

José María Barreiro Díaz, director xeral da Función Pública e presidente en funcións do PP na Coruña
José María Barreiro Díaz, director xeral da Función Pública e presidente en funcións do PP na Coruña

Ten razón ao sindicato ao denunciar que o exame de informática non se correspondía ao nivel desta oposición de auxiliar administrativo? 

GC pediu a Consellería de Facenda unha valoración das críticas de Comisións Obreiras, pero a Xunta non se pronunciou sobre este asunto polo agora. A Dirección Xeral de Función Pública garda silencio sobre este asunto, como tamén cala sobre a anulación do exame de delineante. 

Un análise cuantitativo das notas publicadas dálle solidez á denuncia sindical. O 71% dos estudantes sacou menos dun 4, é dicir, responderon ben menos de 8 de 20 preguntas. De máis de 400 candidatos, só catro responderon ben máis de 12. Unicamente unha persoa foi quen de responder ben 13 de 20 cuestións.

Na análise cualitativa das preguntas sorprende a introdución de conceptos complexos, non pola súa dificultade intrínseca, senón polo tempo que os aspirantes tiñan para solventar cada pregunta, unicamente dous minutos. 

Representación gráfica da sucesión de Fibonacci mediante arcos
Representación gráfica da sucesión de Fibonacci mediante arcos | Fonte: wikimedia

En 120 segundos os opositores debían asimilar a información dos cálculos que hai detrás, por exemplo, do que é unha sucesión matemática de Fibonacci ou como se calcula a letra do DNI. Conceptos que non formaban parte do temario, que en teoría era o uso dos programas Microsoft Word, Microsoft Excell e os seus equivalentes de software libre Libre Office. Posteriormente,debían realizar cálculos para escoller entre catro opcións posíbeis. 

A denuncia de Comisións fai énfase nisto. “O tempo estipulado para responder as preguntas —dous minutos para cada unha— era insuficiente para a elevada dificultade das cuestións formuladas”, argumenta.  De feito, ningún dos máis de 400 aspirantes foi quen de responder todas as cuestións, sempre deixaron algunha en branco.

O sindicato reclama a anulación da proba ao entender que “non se axustaba nin ao grupo profesional nin ao contido do programa”. Na petición de anulación da proba a central presentada en Rexistro argumenta que “o exercicio está máis pensado para programadores de informática que para auxiliares administrativos” e que “a proba de informática estase a converter nun xogo de habilidade máis que nunhas demostración de preparación dos programas que se requiren na convocatoria”.   

Unha queixa que tamén se pode atopar en moitos foros de opositores, por exemplo neste da Academia Adams. 

Comisións dá a entender que o asunto podería acabar nos tribunais. A Xustiza tirou en reiteradas ocasións previas probas das oposicións da Xunta. Estes son algúns exemplos recentes:

O TSXG atopa graves anomalías  nas oposicións do grupo A1

 

A Xustiza chimpa a oposición de delineantes da Xunta

 

A Xunta retira o temario do proceso selectivo de Gardacostas denunciado polo CSI-F

Temas: COMISIóNS
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 12 comentarios

8 bocata

En definitiva, un pouco de rigor, non vou a ser eu o que diga como a xente ten que realizar o seu traballo, pero un medio de comunicación debe esixirselle como mínimo que non engane a xente.

7 bocata

Estaría ben que non se manipulase a información nun medio de comunicación. Isto: "Conceptos que non formaban parte do temario, que en teoría era o uso dos programas Microsoft Word, Microsoft Excell e os seus equivalentes de software libre Libre Office." non é certo xa que as preguntas explicaban con toda claridade estes conceptos incluso con exemplos no que o único que había que facer era un recheo dunha serie e utilizar a función residuo, cousas totalmente básicas na utilización de follas de cálculo. E isto: "Unicamente unha persoa foi quen de responder ben 13 de 20 cuestións." tampouco é certo xa que, como se dicía nun comentario anterior, houbo unha persoa con 14 e catro con 13 respostas correctas. Ademáis que o 71% suspendeu non aporta nada a isto, independientemente do exame, un porcentaxe similar tería que suspender porque de eso se trata un exame dunha oposición, de cribar os mellores.

1 Lau

Puntualización. 1 con 14 e 3 con 13. Non 4 con 13. O que é curioso é que ninguén sacara 12 netas. Supoño que moito tivo que ver a regra dos 3 fallos igual a restar unha ben

6 pior e o SS-ergas

miren o abuso os celadores cun examen que conta con mais de dez anos pasados... -- UARTO.- O novo criterio á hora de establecer a orde de prelación dos aspirantes á contratación temporal é totalmente contraria aos principios Constitucionais de Igualdade contemplado no artigo 1 da Constitución, así como aos principios de legalidade, xerarquía normativa, a publicidade das normas, a seguridade xurídica e arbitrariedade dos poderes públicos contemplados no artigo 9 da mesma norma. Así mesmo vulnéranse os principios de igualdade, mérito e capacidade no acceso e á promoción profesional contemplado no ESTATUTO BASICO DO EMPREGADO PUBLICO do Real Decreto Lexislativo 5/2015. Artigo 1 e 47.

5 Lau

Eu son unha das que suspendeu. Pero dúas cousas. A primeira, é que é unha pataleta pedir a anulación. O exame foi igual para todos e todas. Pero que é un exame canto menos non adecuado ao nivel, si, e gustariame ver á persona do comentario catro facelo. E segundo, estaria ben comprobar ben as notas. Hai unha persoa que sacou catorce netas, e tres con trece. A máxima non foi unha persoa con trece e tres con doce coma di o artigo. De todas formas, quitando esas catro persoas con trece e catorce, que serán uns cracks, e non vou a pensar mal, xa se pasa a once netas. E iso a pesares de que anularon dúas preguntas e outra lle cambiaron a resposta

1 seguimos a patalexar

Eu non superaría o exame se o fago agora mesmo pola razón principal de que non o preparei. Se estivese meses facendo cursos de word e excell, memorizando comandos e practicando a facer todo o que se poida facer con tódolos menús e botóns que hai nos programas, creo que tería algunha posibilidade. O que xa me parece de traca é pretender superar unha proba de selección para un traballo no que se vai utilizar esa ferramenta de forma case exclusiva co coñecemento de usar o word na túa casa. Nos test da miña oposición quedo entre as primeiras calificacións e remato antes de que transcurra a metade do tempo previsto para a proba. O malo é que logo hai outras probas moito menos obxetivas con contido e desenvolvemento dos que non queda proba ningunha e nas que suspensos repescados dos tests por unha ou dúas anulacións rematan por aprobar a oposición. Cadaquén sofre o seu.

2 Lau

Eu preparei o exame e tamén era das mellores na miña clase. E mira. Suspendin. Tiven 8 netas. E non vou pedindo a anulación do exame. Se leras ben o meu comentario verías que o digo. Hai que ser consciente de que nunha oposición estudiar non garantiza nada (evidentemente sen estudiar non aprobas, pero estudiando podes suspender). Pero que digas que estou de pataleta por dicir que o exame non foi adecuado ao nivel non o consinto. Non sabes o que eu estudiei para coñecer os programas, así que teñas as narices de dicir que pretendía aprobar co coñecemento do Word da casa non. Que te vaia ben na túa oposición. Supoño que mínimo chegarás a presidente do tribunal constitucional. E repito. Non me parecería xusto a anulación do exame. Hai xente que foi mellor ca min e merece aprobar.

4 pataleta fibonacci non entraba

A ferramenta de traballo dun auxiliar administrativo hoxe é o ordenador. E nese ordenador vai tratar follas de cálculo e textos. Se fose hai 30 anos faríase cunha máquina de escribir. O de fibonacci e a letra do DNI só pretender comprobar que o aspirante sabe facer fórmulas de cálculo nun excell ou nunha folla de cálculo de libre office, aproveitando o resto no DNI, ou no seu caso localizar as precargadas. O nivel da serie de fibonacci é de cuarto da ESO. No seu desempeño laboral non usará fibonacci, pero si fórmulas para calcular niveles de renta para acceso a axudas ou datos estatísticos. A queixa paréceme esaxerada e responde a unha pataleta porque non aprobou quen debía aprobar e as academias non prepararon a proba co nivel de esixencia que o nivel experto de word e excell supón. Outra oportunidade para a próxima, e a remexer máis nas ferramentas informáticas.