Ferida unha muller embarazada nun accidente de tractor en Outeiro de Rei (Lugo)

Unha muller embarazada resultou ferida nun accidente de tractor rexistrado na tarde deste luns en Outeiro de Rei (Lugo).

Segundo informou o centro de atención a emerxencias do 112 Galicia, a vítima foi trasladada polos efectivos sanitarios ao Hospital Lucus Augusti de Lugo.

O sinistro tivo lugar nunha leira de Silvarrei e foi un particular o que alertou ao 112 ao redor das 16,30 horas.

A central de emerxencias trasladou o aviso a Urxencias Sanitarias de Galicia-061 e á Garda Civil.