Temas: PP VIGO

Un galego asumirá a presidencia das Nuevas Generaciones do PP

O actual presidente de Novas Xeracións do PP de Galicia, Diego Gago, concelleiro en Vigo, ocupará ese posto. Ten 29 anos e está a un de superar a idade máxima para ser membro desta organización xuvenil.

Por E.P. | MADRID | 06/03/2017 | Actualizada ás 18:23

O actual presidente de Novas Xeracións do PP de Galicia, Diego Gago, pasará a ser máximo dirixente desta organización a escala nacional no XIV Congreso Nacional que celebrará en Sevilla o próximo mes de abril e no que tomará a substitución de Beatriz Jurado, informaron a Europa Press fontes 'populares'.

Gago, de 29 anos, é concelleiro no Concello de Vigo e previsiblemente será o único membro de Nuevas Generaciones que presente a súa candidatura á presidencia nacional, segundo as mesmas fontes. O prazo para rexistrar propostas conclúe o vindeiro mércores día 8 de marzo.

Nuevas Generaciones celebrará os días 21, 22 e 23 de abril en Sevilla o seu XIV Congreso Nacional, no que se elixirá ao substituto de Beatriz Jurado á fronte da organización xuvenil do PP. A senadora cordobesa leva case seis anos no cargo, posto que foi proclamada presidenta o 18 de abril de 2011 nun congreso celebrado en Zaragoza.

UN SUCESOR DE 29 ANOS

Jurado, que está a piques de cumprir 34 anos, xa superou a idade que marcan os Estatutos do PP para presidir a organización xuvenil. Segundo as normas internas do PP, poderá afiliarse a Novas Xeracións "calquera mozo maior de 16 anos e menor de 30 que non pertenza a outro partido político".

Diego Gago foi número dous ao Concello de Vigo polo PP nas pasadas eleccións municipais, tras Elena Muñoz. Nacido en Vigo en setembro de 1987, é licenciado en Dereito Económico e máster en Asesoría Fiscal e presidente de Novas Xeracións do PP en Galicia desde o ano 2014, onde gañou co 91 por cento dos votos.

CINCO RELATORIOS

A Xunta Directiva Nacional de Novas Xeracións designou á deputada valenciana Belén Hoyo como presidenta do comité organizador do congreso de NNGG, que aplicará os novos Estatutos aprobados no Congreso Nacional celebrado hai case un mes.

No seu conclave, os mozos do PP elaborarán o seu propio relatorio de Estatutos, outra sobre comunicación e unha terceira en materia social e económica. Tamén haberá un documento sobre educación e outro centrado no papel internacional de España.

Temas: PP VIGO

2 comunista independentista

O Gago este é un niñato ultradereitista coñecido por ter xustificado o xenocidio franquista nun debate en VTelevisión.

1 Antiburras

Outro que como Ruben Cela ou Ana Poltrona vai vivir da política toda a vida

1 Balbino

Entre o que lle entregan o partido , o que tributan e o as horas que traballan Ana e Rubén non quería eu ese curro, se o queres tí xa sabes o BNG é o partido máis democrático e transparente do estado e a meritocracia é o que prima, presentate, colabora, aporta, traballa... O de traballar xa non che gusta verdade mellor estás na casa facendo o ridículo de maneira anónima e sen fundamento. Rubén e Ana foron elixidos polos militantes e polos votantes, se non che gusta tes alternativas.

2 FRPU

Mintes Balbino. O teu idolatrado BnG non é o partido máis democrático e transparente do estado, Equo e Anova están por diante: http://www.mas-democracia.org/ranki... https://d3n8a8pro7vhmx.cloudfront.n... A ver ides asumindo o de que Anova vos gañe, que xa van 5 anos.

3 balbino

A ver FRPU que non chegaches nin á páxina 3 do informe que ti mesmo partillas, O BNG non aparece no estudio e na listaxe do 2016 pero podes ver coma nos anos anteriores sempre estivo de primeiro, no 2016 xa o debían dar a fronte nacionalista por morta para deleite de moitos. Tanto como idolatrar non, pero son un simpatizante cada día máis convencido, o día que metan a zoca cambiarei o meu voto coma xa fixen no seu día a favor da FPG e de Anova, ainda que có tempo arrepentinme e hoxe xa non tería esa alternativa posto que nos os considero nacionalistas galegos se non escravos de Podemos.

4 comunista independentista

O Bloque é escravo dos seus pufos coa banca española.

5 Leirachá

Balbino un simple simpatizante? Simplesmente? O mesmo que Comunista Indepe? Non hai máis que ver con cantos niks entrades a comentar, a presenza continua en todas as notícias de política, a repetición de consignas... Sodes uns troles patéticos! Así lle vai ao país con mercenários coma vós, hoxe aplaudindo ao BNG ou ás Mareas de Podemos, nun par de días ao PsoEspañol ou ao Partido Podre! Zero crítica, puro taparrabos!

6 balbino

Si si si Leiracha o país móvese e está así polos catros gatos que comentan nún foro que deben leer máximo 10 persoas, anda leiracha vai durmir. Podemos ter culpa de malgastar o noso tempo aquí coma ti, de nada máis.