A directora do Centro Oceanográfico de Vigo pide máis persoal para cubrir vacantes por xubilación

Victoria Besada reclama a contratación de "máis persoal" para a entidade, que leva sen cubrir as vacantes por xubilación desde o inicio da crise económica.

Por E.P. | SANTIAGO DE COMPOSTELA | 10/03/2017 | Actualizada ás 19:23

Comparte esta noticia

A directora do Centro Oceanográfico de Vigo, Victoria Besada, reclamou a contratación de "máis persoal" para a entidade, que leva sen cubrir as vacantes por xubilación desde o inicio da crise económica. "A ciencia avanza cando se incorpora persoal novo con moitas ideas e ganas de traballar", expresou nunha entrevista este venres na Radio Galega.

A directora do Centro Oceanográfico de Vigo, Vitoria Bicada
A directora do Centro Oceanográfico de Vigo, Vitoria Bicada | Fonte: Europa Press

Besada pediu a cobertura das vacantes "que non se puideron repor" debido á crise. Unha falta de persoal que non se limita unicamente ás prazas de investigadores, senón que o centro tamén precisa "técnicos e persoal administrativo".

Así as cousas, a directora do centro en Vigo do Instituto Español de Oceanografía apuntou que quere que "a sociedade viguesa e galega" se achegue ao centro no ano do seu centenario. Para iso, realizarán unha xornada de portas abertas, levarán ao centro da cidade olívica varias actividades e organizarán unha visita ao buque 'Ángeles Vilariño', que terá lugar "entre o 14 e o 17" do presente mes de marzo.

PRESTIGE

Preguntada sobre o estado de Galicia 14 anos despois do seu afundimento do 'Presige', Besada opinou que "as correntes da costa galega e a fortaleza do mar permitiron que a propia natureza limpase o fuel".

"Somos zona de paso e, a pesar de que os buques teñen dobre casco, non estamos libres de que se produzan sucesos", advertiu.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta