Detido un veciño de Vigo por un roubo con forza nas instalacións do parque móbil municipal de Santa Cristina

Axentes da Policía Local de Vigo detiveron a un veciño da cidade, de 41 anos de idade, D.A.R., como presunto autor dun roubo con forza cometido no interior das instalacións do parque móbil e de servizos municipal de Santa Cristina de Lavadores.

Segundo informaron fontes policiais, un vixiante do recinto alertou ao 092 na madrugada deste martes de que vira merodeando polas naves a un individuo. Segundo relatou aos axentes, tras escoitar ruídos metálicos no recinto, confirmou a presenza dun estraño a través dun circuíto pechado de cámaras de vixilancia.

Os axentes inspeccionaron a zona e atoparon unha das máquinas expendedoras de alimentos e bebidas cuxas porta e cajetín de moedas tiñan signos de ser forzados por apalancamento. Tamén localizaron unha barra de ferro.

Coa descrición do sospeitoso, unha dotación policial conseguiu localizalo e detelo na confluencia das rúas Gregorio Espino e San Roque.