A ópera folk-rock galega 'The Rebel' chega a Santiago de Compostela

Tras a boa acollida recibida o pasado venres na súa estrea na Coruña, a primeira ópera folk-rock creada en Galicia, 'The Rebel (O Rebelde)', chegará este xoves a Santiago de Compostela.

A peza conta a historia de Pádraig Pearse e do Alzamento de Pascua en Irlanda en 1916 a través dun espectáculo multidisciplinar no que a música en directo interactúa con pezas teatrais e a proxección dunha curta rodada en localizacións como Goián, Loiba ou o Mosteiro de Oseira.

Tras o seu paso por Compostela, o espectáculo estará o 18 de maio na sede de Afundación en Vigo, o 25 de maio en Ferrol e o 26 de maio en Lugo.