Acusan ao PSOE de Pontevedra de pagar os buses de Susana Díaz
A factura dunha empresa de Mos pola viaxe a un mitin en Madrid foi pagada polo Grupo Provincial do PSOE de Pontevedra, segundo un documento publicado por un grupo crítico. Imaxe do documento no interior.
- As primarias do PSOE en Galicia, no aire por falta de documentación
- Case 10.400 militantes están chamados a votar o domingo nos 188 centros habilitados en Galicia para as primarias
- Leiceaga cre que haberá unha votación "masiva" nas primarias do PSOE que dará "unha gran lexitimidade" ao gañador
- Óscar López apela a que se acabe "a rifa" no PSOE e recalca que Patxi López é quen "mellor garante" a unión
Por Galicia Confidencial | Pontevedra | 20/05/2017 | Actualizada ás 13:27
A Rede Galeguista do PSdeG-PSOE faise eco das informacións sobre o pago do mitin de Susana Díaz en Madrid con diñeiro do partido. En concreto, este grupo publica unha factura dunha empresa de autocares dun “servicio realizado desde Pontevedra a Madrid” o 25 e o 26 de marzo.
O pagador da factura sería o “Grupo Provincial PSOE Pontevedra” no “Pazo Provincial - Avda. Montero Ríos”.É dicir, o diñeiro público co que conta para o seu funcionamento o grupo dos socialistas na Deputación de Pontevedra, onde gobernan canda o BNG. O gasto de 1.320 euros coincide co día, 26 de marzo, no que Susana Díaz organizou un acto de campaña en Ifema, na capital do Estado.
Polo de agora, nin a empresa emisora da factura, Melytur de Mos, nin o citado grupo provincial fixeron pública a súa versión dos feitos.
A presidenta da Deputación de Pontevedra, Carmela Silva, é unha das dirixentes socialistas galegas máis activas na campaña da presidenta da Junta de Andalucía, canda o alcalde de Vigo, Abel Caballero, e o ex-secretario xeral do PSdeG, Pachi Vázquez.
Os órganos do PSOE teñen a obriga estatutaria de non tomar partido oficialmente por ningún candidato nas primarias. Malia contar con escasos apoios públicos entre os notables do PSdeG, Sánchez parte como favorito para gañar mañá domingo en Galicia, dado que conseguiu máis avais. O último día de campaña está enturbiado, por esta información, e pola denuncia de falta de acreditacións para os interventores de Sánchez.
- As primarias do PSOE en Galicia, no aire por falta de documentación
- Case 10.400 militantes están chamados a votar o domingo nos 188 centros habilitados en Galicia para as primarias
- Leiceaga cre que haberá unha votación "masiva" nas primarias do PSOE que dará "unha gran lexitimidade" ao gañador
- Óscar López apela a que se acabe "a rifa" no PSOE e recalca que Patxi López é quen "mellor garante" a unión
