Interceptan en Vigo a dous condutores baixo os efectos do alcol e a outro que nunca sacou o carné

Axentes da Policía Local de Vigo instruíron dilixencias xudiciais a tres condutores por senllos delitos contra a seguridade viaria, un deles por conducir sen sacar o carné e os outros dous por superar o límite máximo de alcol permitido.

Segundo informou a Policía Local, os condutores ebrios foron localizados en controis situados o domingo ás 8,50 horas na rúa Antón Beiras e ás 20,40 horas no cruzamento entre as rúas Aragón e Padre Celso. O primeiro deu resultados positivos de 0,80 e 0,71 mg/l, e o segundo de 0,99 e 0,98 mg/l.

Así mesmo, ás 20,40 horas do domingo foi interceptado na rúa Pablo Iglesias o condutor dun turismo, un home de 43 anos, que circulaba a pesar de non obter nunca o permiso de conducir.