Multa a Caixanova por non loitar e ocultar o blanqueo de capitais
A noticia saltou a primeira hora da mañá pero a esta hora as webs de case todos os grandes medios galegos gardan silencio. O Tribunal Supremo acaba de confirmar unha gran multa a Caixanova por violar as leis que prevén o lavado de cartos. Sentencia no interior.
Por Galicia Confidencial | Vigo | 17/08/2010 | Actualizada ás 22:34
Caixanova terá que abonar 600.000 euros, uns cen millóns das antigas pesetas. En concreto, a entidade viguesa non lle comunicou ao Estado operacións sospeitosas de blanqueo de capital (250.000€), non identificou aos clientes desas operacións e guardar os seus documentos (75.000), non marcou normas internas contra o blanqueo de capitais (150.000) e non formou aos seus traballadores contra este delito (125.000).
Caixanova cometera esta faltas antes de 2005, cando comezou o proceso sancionador que culmina agora. A sentencia do Tribunal Supremo confirma a sanción imposta polo Ministerio de Hacienda e logo ratificada na Audiencia Nacional.
Pontevedra e o narcotráfico
A continúa vaga detencións de capos do narcotráfico na provincia de Pontevedra nesa época apunta a que estes delincuentes poderían ter aproveitado a falta de rigor de Caixanova para lavar o diñeiro, probablemente no sector do ladrillo nas zonas costeiras galegas.
O supremo confirma unha sentencia da Audiencia Nacional de hai tres anos. Todas as infraccións son de carácter grave. Polo de agora a entidade que dirixe Xulio Fernández Gayoso non fixo ningún comunicado público.
