Morre unha muller en Fene (A Coruña) tras sufrir unha saída de vía nas curvas de Santa Ana

Unha muller de 69 anos faleceu este luns en Fene (A Coruña) tras saírse da vía co seu vehículo, que saíu voando a consecuencia do accidente e acabou nun terraplén de pouca profundidade.

Diso informaron o 061 e a central de emerxencias do 112, que sinalan que o sinistro tivo lugar na N-651 en sentido Ferrol. Os servizos sanitarios non puideron facer nada para salvar a vida da vítima, que faleceu no lugar.

O sinistro produciuse no último tramo da zona coñecida como curvas de Santa Ana, unha área que concentra un gran número de accidentes. A vítima tivo que ser excarcerada polos servizos de emerxencia ao atoparse atrapada no volante.

Unha vez liberada, os servizos sanitarios constataron o falecemento da condutora. Ata o punto do accidente desprazáronse, ademais dunha ambulancia medicalizada do 061, axentes da Policía Local e a Garda Civil de Tráfico, así como os Bombeiros de Fene.