SANTIAGO DE COMPOSTELA | 16/10/2017 | Actualizada ás 18:29 por EUROPA PRESS
O alcalde de Ferrol, Jorge Suárez (FeC), asegurou que "hoxe non é o día para politizar" os incendios, senón de mostrar "respecto polas vítimas". Con todo, á espera da valoración política que se realice "nos próximos días", avanzou que esta pasa por "dotar de máis medios durante todo o ano" o equipo de loita contra incendios.
Suárez, quen participou na concentración silenciosa na Praza de Armas, ante o Consistorio ferrolán, tamén transmitiu, en nome da corporación local, a "dor" pola morte de catro persoas no marco da situación ocasionada polos incendios que afectan a Galicia nas últimas horas.
Ao tempo, asegurou que "é un día de loito para todo o país e, unha vez superado este loito, será cando haberá que facer unha análise máis pormenorizado das causas e consecuencias destes incendios".
Manifestouno na concentración silenciosa convocada para mostrar a solidariedade cos falecidos polos lumes e tamén cun novo caso de violencia machista en Barcelona.
APOIA A CONCENTRACIÓN
Ademais, Jorge Suárez tamén ha traslado que desde Ferrol en Común apóiase a convocatoria realizada polo 'Comité de Defensa do Monte Galego' e que acudirá este luns.
"É imprescindible que o pobo faga saber a indignación que sente ao ver arder o seu país. Por iso, hai que saír á rúa e a mobilización social é imprescindible para determinar as políticas que se acometen en cada situación", aseverou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.