Aberta a convocatoria dos Premios Xerais 2018
O prazo de entrega de orixinais remata o 3 de abril. Os nomes dos gañadores coñeceranse o 2 de xuño.
Por Galicia Confidencial | Santiago de Compostela | 08/01/2018 | Actualizada ás 14:41
Edicións Xerais de Galicia convoca os Premios Xerais 2018 para orixinais en lingua galega, conforme a normativa vixente, nas modalidades de novela, literatura infantil e literatura xuvenil.
O Premio Xerais de Novela chega á súa trixésimo quinta edición, o Premio Merlín de Literatura Infantil, á trixésimo terceira, e o Premio Jules Verne de Literatura Xuvenil, á décima edición. Cada un dos tres premios está dotado con 10.000 euros.
O remate do prazo de admisión de orixinais será o 3 de abril de 2018. O xurado, cuxa composición se dará a coñecer no mes de maio, emitirá o seu fallo na Festa Xerais que se celebrará na Illa de San Simón o sábado 2 de xuño.
A participación nesta convocatoria requirirá a aceptación das normas contidas nas seguintes bases:
Bases da 35ª edición do Premio Xerais de Novela
Bases da 33ª edición do Premio Merlín de Literatura Infantil
Bases da 10ª edición do Premio Jules Verne de Literatura Xuvenil
