O uso das TIC e os riscos asociados chegan a Viveiro
Pablo Rodríguez, responsable de Participación Cidadá da Comisaría de Viveiro impartirá unha conferencia neste concello dentro de Espazo +60.
Por GC Emprende | Viveiro | 31/01/2018 | Actualizada ás 11:48
O Espazo +60 Afundación de Viveiro ofrece este xoves, no marco do curso «Uso de smartphone», unha charla sobre o uso das tecnoloxías da información e a comunicación (as TIC) e os riscos asociados á súa utilización.
A conferencia será impartida por Pablo Rodríguez, responsable de Participación Cidadá da Comisaría de Viveiro. Está incluída no Plan Maior de Seguridade da Policía Nacional, que ten o obxectivo de informar sobre as principais ameazas para a seguridade dos maiores.
Esta actividade enmárcase na oferta de actividades do proxecto de Envellecemento Activo de Afundación, que permite ás persoas participantes encontrar nesta etapa vital novas oportunidades de crecer persoalmente e de se seguir formando en contacto cos temas emerxentes e achegando activamente á sociedade.
