Dous motoristas resultan feridos en senllos accidentes de tráfico en Santiago

Dous motoristas resultaron feridos en senllos accidentes de tráfico ocorridos na tarde deste xoves en distintos puntos de Santiago de Compostela.

En concreto, o primeiro tivo lugar ás 15,50 horas na rotonda da Galuresa, concretamente na ligazón da rúa do Hórreo con Romero Donallo, onde o motorista chocou cun turismo.

Despois de recibir o aviso por parte dun particular, o Centro Integrado de Atención ás Emerxencias (CIAE) 112 Galicia informouse do ocorrido ao 061 Urxencias Sanitarias, á Policía Local, a Protección Civil aos Bombeiros de Santiago.

Por outra banda, uns minutos máis tarde, tivo lugar outra colisión entre un coche e unha moto na capital galega, concretamente en Aríns, na estrada que une San Lázaro co Monte do Gozo.

O 112 Galicia tivo constancia do accidente ás 16,10 horas, a través do aviso dun particular. Após iso, puxo os feitos en coñecemento do 061-Urxencias Sanitarias, da Policía Local, da Garda Civil de Tráfico, dos Bombeiros de Santiago e de Protección Civil.