Villares pide a dimisión da deputada Quinteiro por "responsabilidade cos compromisos éticos" de En Marea
O portavoz considera que fixo "un uso indebido" da súa condición como cargo público na liorta nocturna coa Policía na que se involucrou.
- Martiño Noriega critica a "mala xestión" de En Marea no caso da deputada Paula Quinteiro
- O Grupo Parlamentario de En Marea ignora ao Consello e apoia a continuidade de Quinteiro como deputada
- A dirección de En Marea: "Ser deputado é exercer a política, non privilexios particulares"
- A petición de dimisión a Paula Quinteiro pola dirección de En Marea provoca malestar no grupo parlamentario
- O Consello de En Marea pide que Quinteiro deixe a súa acta deputados
- As diferenzas dentro de En Marea tensan a solución do caso Quinteiro
- Beiras insta a Quinteiro que dimita tras a disputa coa Policía
Por E.P. | SANTIAGO DE COMPOSTELA | 02/04/2018 | Actualizada ás 14:10
O portavoz parlamentario e orgánico de En Marea, Luís Villares, pediu a dimisión de Paula Quinteiro por "responsabilidade cos compromisos éticos" da formación rupturista. A parlamentaria viuse metida nun altercado coa Policía en Santiago na madrugada do 18 de marzo, cando chegou a esgrimir a súa identificación de deputada, o que constitúe, para Villares, "un uso indebido" da súa condición como cargo público.
Villares compareceu ante os medios logo de case dúas semanas de silencio desde que saltou á luz o caso da deputada —inscrita de Podemos e afín á corrente Anticapitalistas—, a pesar da crise interna que abriu un cisma entre o órgano político de En Marea (o Consello das Mareas) e o grupo parlamentario, no que, á súa vez, tamén existen diferentes posturas sobre a asunción de responsabilidades de Quinteiro.
O maxistrado en excedencia remarcou que a súa petición é unha "opinión persoal" que desliga do seu papel como portavoz do grupo parlamentario. Deste xeito, argumentou que debe ser Quinteiro quen asuma "as responsabilidades" dos feitos nos que se viu involucrada e que, segundo Villares, supoñen "un uso indebido da súa condición de parlamentaria nun ámbito privado", o que vai en contra dos "valores" da formación rupturista.
- Martiño Noriega critica a "mala xestión" de En Marea no caso da deputada Paula Quinteiro
- O Grupo Parlamentario de En Marea ignora ao Consello e apoia a continuidade de Quinteiro como deputada
- A dirección de En Marea: "Ser deputado é exercer a política, non privilexios particulares"
- A petición de dimisión a Paula Quinteiro pola dirección de En Marea provoca malestar no grupo parlamentario
- O Consello de En Marea pide que Quinteiro deixe a súa acta deputados
- As diferenzas dentro de En Marea tensan a solución do caso Quinteiro
- Beiras insta a Quinteiro que dimita tras a disputa coa Policía
