Temas: EMIGRACIóN MOCIDADE FORO ECONóMICO

O Foro Económico de Galicia alerta sobre a marcha de xente nova: "Hai que tomar medidas hoxe"

No seu Anuario, ratifica un crecemento da economía galega similar ao do conxunto de España pero con "precariedades".

Por E.P. | A CORUÑA | 14/06/2018 | Actualizada ás 13:38

O Foro Económico de Galicia alertou do "problema serio a longo prazo" que suporá a emigración de mozos galegos e instou a "tomar medidas hoxe" para que poidan notarse os efectos "en 2030". Mentres, ratifica o crecemento da economía galega, pero con "precariedades".

Así o asegurou o catedrático de Economía Aplicada da Universidade de Vigo (Uvigo), Santiago Lago, director do Foro Económico de Galicia, unha plataforma integrada por profesores do tres universidades galegas, empresarios, directivos e xornalistas especializados en divulgación económica.

Á presentación do Anuario 2018, asistiron tamén o presidente do Foro, Emilio Pérez Neto; o editor do Anuario, José Luís Gómez e o catedrático de Economía Aplicada da Universidade da Coruña (UDC), Fernando González Laxe. Entre outras cuestións, o estudo lembra que o Produto Interior Bruto (PIB) creceu en Galicia en 2017 un 3,1%, "ao mesmo ritmo que a media española". "E o que é máis importante volveu ao nivel previo á crise de 2008", engade.

Na análise de conxuntura, a cargo dos profesores Fernando González Laxe, José Francisco Armesto, Patricio Sánchez e Santiago Lago, estes expertos inciden no "bo comportamento" da economía galega en 2017 e apuntan que se trasladou ao mercado de traballo."Onde, por terceiro ano consecutivo, Galicia presenta tanto un incremento da ocupación como unha redución do desemprego especialmente significativa no caso do paro de longa duración".

"LUCES E SOMBRAS"

En canto aos resultados económicos, o director do Foro Económico mostrou "serias dúbidas" de que os datos da economía galega se poidan manter "outros quince anos, se a demografía non cambia". Mentres, alertou da "marcha de xente nova". "Hai que porse as pilas", sinalou ao reclamar medidas para abordar esta cuestión.

Tamén no Anuario alértase da existencia de "luces e sombras" e "precariedades", entre elas as cifras que aínda hai de paro ou que a demanda interna "siga sendo o principal motor de crecemento da economía galega". "A produtividade está baixa en Galicia aínda que se está investindo", apuntou González Laxe, quen asegurou que o camiño para reverter esta situación pasa, entre outras solucións, pola dixitalización.

Temas: EMIGRACIóN MOCIDADE FORO ECONóMICO

3 Salgueiro

Xa sabedes o que tendes que facer. Liscar deste país vós. E os xóvenes quedarán. O malo é ter que aturar dende que un nace a trogloditas coma vós. Vaste e non voltas máis que para dicer chorradas como as que digo eu. Pero o malo é que tendes fillos. E os vosos fillos foron educados por pais atrasados mentais coma vós. Ese é o cerne do problema que ten este país coa xente nova.

1 Salgueiro

Non persoalizo con vós. Haberá xente moi válida nese foro. Pero témome o pior. A xente nova non vos atura nen a vós nin a meirande parte dos parentes. Se antes xa estaban atrasados, nos últimos tempos xa son trogloditas. Pero hai quen vive dos trogloditas. E mentres haxa partidos que vivan de que haxa cantos máis trogloditas mellor, o problema persistirá. Ese é o cerne da cuestión. Logo diso, podemos falar do que queirades; do desenrolo do país, de moitas cousas. Pero ise é o gran problema da demografía. Hai otros, pero ise é un deles. E dos máis importantes. Pero témome o pior de vós. Falarades e falaredes e falaredes e daredes brindis ao sol cando todos sabemos o que hai.

2 gran reflexión...

Ainda resonan as queixas do foro económico cando se perderon as principáis empresas galegas, ainda se escoitan os seus berros pola perda das entidades financeiras, e as enormes críticas aos gobernos polo pitorreo a Galicia, por non ter unha empresa eléctrica a pesares de producir, e sobre todo por ter o maior complexo cultural da historia das paletadas a Gran Cidade da Cultura ... que a sede deste Foro se traslade a cidade da cultura por favor e así tódolos parvos xuntos¡¡¡ qué país¡¡

1 paletismo ilustrado¡¡¡¡

Esto sí que ten coña ... o Foro económico a quen non se lle escoita nin unha soa crítica nos 40 últimos anos .... salvo mamandurrias varias... agora ben co que todo o mundo sabe que Galicia leva morrendo dende hai un século e xa lle está cerca o enterro. Non si Galicia ten ilustres intelectuais... por favor ídevos deste país xente nova e facede por non volver.... xa virán outros que poñan a Galicia onde se merece.