Por E.P. | Santiago de Compostela | 23/08/2018 | Actualizada ás 13:53
O portavoz de En Marea no Congreso dos Deputados, Antón Gómez-Reino, reclamou ao Goberno que a modificación, por Decreto Lei da Lei de Memoria Histórica, para permitir a exhumación dos restos de Franco do Val dos Caídos, inclúa ao Pazo de Meirás.
Ante os medios de comunicación, Gómez-Reino sumouse á demanda feita pública polo Concello de Sada, que insta tamén de novo ao Executivo a presentar a demanda civil que posibilite a incorporación do inmoble ao patrimonio público. "Ademais de sacar os restos do ditador do Val dos Caídos, hai que sacar á familia do ditador do Pazo de Meirás", reclama o portavoz de En Marea na cámara baixa.
"O Goberno ten que tomar medidas legais para que o Pazo de Meirás sexa devolto á cidadanía", asegurou Gómez-Reino, que xa avanza que tomarán as medidas oportunas no caso de que esta demanda non sexa incluída no acordo do Consello de Ministros deste venres.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.