Evacúan en helicóptero a un home rescatado da auga na Praia de Nerga, en Cangas

Un home foi evacuado en helicóptero medicalizado na tarde deste mércores despois de ser rescatado da auga na Praia de Nerga, en Cangas do Morrazo (Pontevedra).

Segundo informou o 112 Galicia, tras ser reanimado, o home foi trasladado na aeronave até o Hospital Álvaro Cunqueiro (HAC) de Vigo.

Os socorristas do areal foron os encargados de dar o aviso ao centro de emerxencias indicando que o home podería estar afogado e solicitando unha ambulancia. Seguidamente, o 112 deu o aviso ao 061-Urxencias Sanitarias, á Policía Local de Cangas, a Protección Civil, a Salvamento Marítimo e ao Servizo de Gardacostas de Galicia.