Carolina Bescansa asume a derrota e deixará a política activa en Podemos
Abandona o Congreso pero seguirá na organizaición desde a base e non nas institucións.
Por E.P. | SANTIAGO DE COMPOSTELA | 26/10/2018 | Actualizada ás 13:23
A deputada de Unidos Podemos Carolina Bescansa avanzou que deixará o seu escano no Congreso dos Deputados cando conclúan os traballos das comisións parlamentarias nas que participa, entre elas, a que estuda o suposto financiamento ilegal do Partido Popular.
Anunciouno este venres despois de perder as eleccións internas en Podemos Galicia, que situaron ao seu compañeiro de bancada, o deputado de En Marea Antón Gómez-Reino --afín a Pablo Iglesias--, á fronte da formación morada na Comunidade galega.
Segundo os seus cálculos, os traballos finalizarán en torno ao mes de febreiro ou marzo do próximo ano, momento en que deixará o seu escano no Congreso. A política compostelá asegurou que asume toda a "responsabilidade" do resultado das primarias internas e asegurou que seguirá na organización da que é cofundadora e en política, aínda que non nas institucións.
