Piden axuda para atopar un mozo de 21 anos desaparecido en Marín que necesita medicación urxente

Os familiares de Cristian Vilavedra Lorenzo, de 21 anos de idade, solicitan axuda para dar co seu paradoiro. O mozo permanece desaparecido desde o pasado sábado, cando foi visto por última vez na localidade onde reside, Marín (Pontevedra).

Segundo a descrición achegada por SOS Desaparecidos, Cristian Vilavedra mide 1,75 metros, pesa uns 75 quilos, usa lentes graduadas e ten acne e as cellas poboadas.

Ademais, os familiares do novo, do que non se sabe nada desde a noite do 16 de marzo, indican que necesita medicación urxente.