Os sondeos dan a victoria ao PP, dous deputados ao BNG e catro menos ao PSdeG

20:55 horas

Tamén a enquisa de Demoscopia para Radio Galega apunta a que a fronte nacionalista volvería a contar con Francisco Jorquera (A Coruña) e Olaia Sánchez Dávila (Pontevedra). O PSOE perdería entre tres ou catro deputados en Galicia, caendo até 12 puntos, escanos que gañaría os 'populares'. O deputado máis disputado parece ser o último na provincia da Coruña, polo que pelexan PP e PSOE.

Por provincias, na Coruña o PP sacaría entre 4-5 deputados, o PSOE 2 ou 3, e o BNG 1; en Lugo, o PP obtería 3 deputados, o PSOE 1, e o BNG 0; en Ourense, o PP lograría 3, o PSOE 1, e o BNG 0; e en Pontevedra o PP sacaría 4 deputados, o PSOE 2 e o BNG 1.

Primeiras reaccións aos sondeos

O secretario xeral do PPdeG, Alfonso Rueda, xa se congratulou publicamente pola vitoria do PP en Galicia pois "parece ser que o PP vai ter unha maioría de abondo para poder gobernar". En Madrid, tamén Ana Mato, voceira dos conservadores, asegurou que as enquisas propias do partido tamén lles outorgan a vitoria.

Montse Pardo, responsábel de organización do Bloque, negouse polo de agora a valorar os adiantos porque "as enquisas enquisas son". Con todo, a nacionalista lanzou unha mensaxe de "optimismo e espera" de cara aos resultados definitivos.

Pablo García, número dous do PSdeG, destacou as malas circunstancias nas que, a súa opinión, acudiu o seu partido as estas eleccións. García negouse a valorar as enquisas porque "non ten sentido facelo a media hora de ter resultados".

A participación caeu tres puntos en España dende 2008 nunha xornada electoral sen incidentes. O País Vasco foi a única autonomía na que subiu a participación. Murcía é a autonomía con máis votantes, ate o 63%.

O Ministerio de Interior prevé dar os primeiros resultados baseados en recontos a partir das dez da tarde. Con todo, a web oficial está caída nestes momentos.

REPARTO DE DEPUTADOS EN 2008

A Coruña

Pontevedra

Ourense

Lugo